INTERNSHIP #10 DATE 28.03.2025

 Hello guys!

aaj ke blog mein aapka sawagat hai jaisa ki kal ke blog mein maine aapko batya tha ki kaisa mera din gaya, chutti ke time pe mein nikita aur rehman se mila wagera wagera, fir ghar ake thak gaya tha jiske baad khana wagera karke blog likha jiske baad so gaya. ab shuru karte hai aaj ke blog ke sath.

aaj subha meri nind khulti hai subhe ke 5 30 ke alarm ke sath jiske baad mein wapas so jata hu 6 baje ke alarm ke bhrose jiske baad meri nind khulti hai, 6 40 pe mein uthte ke hi sath tayar hone lag jata hu jiske baad ghar se 7 30 tak nikal jata hu jiske baad mein 9 baje tak court pohch jata hu jiske baad aaj bhi mukesh sir mere se pehle a gaye the aur apni duty pe lag gaye the jiske baad unse milne ke baad mein 16 no. mein bag rakh ke fresh hoke mukesh sir ke pass chala jata hu jiske baad sir mujhe lawyers chamber building ki first entry ki taraf khada kar diya jiske baad mein waha sab ko good morning aur verma sir ke card ke sath greed kar raha tha, 

jiske thori der baad gopal sir ate woh pehle mukesh sir ke pass jake apni present lagate hai jiske baad aur unke pass se cards leke ate hai, aur mere pass hi ake khade ho jate hai jiske baad hum dono waha card bat-te hai, jiske baad gopal sir 4 number gate pe chale jate hai jiske baad mein waha akela card bat-ta hu, fir waha ek bhaiya ate hai woh mujhe vidhansabha ke election ke time pe mile the, tab unhone batya tha ki woh rohini court mein hi kaam karte hai jiske baad aaj mile woh bhi kisi mam ki campaning mein involve the jiske baad woh mere bagal meinn khade ho gaye aur card batne lage.

jiske baad mujhe nikita ka call ata hai ki ye metro se utarne ke baad kis side ko ana hai jiske baad maine usko sab samjha diya aur woh un instruction ko follow karke mere pass tak a jati hai jiske baad mein usko court no. 105 tak chor ke ata hu, mujhe usko waha chorte hue uske sir dekh lete hai jiske baad mein wapas apni location pe a jata hu aur dekhta hu ki sab wapas ja rahe hote hai jiske baad mein bhi gate no. 7 ki taraf chala jata hu jaha mujhe gopal aur dhruvv sir milte hai, jinke sath mein ghumte hue center hall ke pass jata hu jaha sab milte hai humko

hum waha ek milte hai jiske baad apni campaning start karte hai kal ki tarah ground, 1st, 2nd, 3rd, aur 4th ye sabhi floor cover karke wapas center hall ki taraf a jate hai jiske baad  waha thori der rukne ke baad hum ground floor ki canteen ke pass a jate hai waha bhi sab se milte hai fir 16 no. mein jate hai, waha bhi sab se milne ke baad hum chamber ki taraf nikal jate hai, jiske baad waha jane ke baad mukesh sir 8th floor ki canteen wale ke pass bhejte hai jiske baad waha jane baad mein 4 sandwich ka order deta hu canteen wala mere se paise mangta hai pehle mein sochta hu ki mein de deta hu fir sochta hu mujhe toh ye wapas bhi nahi milega aur last time toh jab biscuit liya tha uski toh slip di thi jispe name number signature unko dediya tha lekin mere se paise mang raha maine ye baat jake mukesh sir se kahi woh us time call pe baat kar rahe the call cut hote hi bolte hai ruk iska order hi cancel karke ata hu, 

jiske baad sir canteen wale se bolte hai ki ye kya hai slip bana ke doge ya paise mango ge, toh canteen wale ne kaha ki verma sir ne kaha hai ki pehle paise mang na agar slip ka bole toh slip dena, jiske baad 5 min mein humara order chamber mein a jata hai , jisko khane ke baad mein sir wagera ke sath idhar udhar ghumne lagta hu, fir mujhe satish sir niche bulate hai jiske baad mein sir se niche jake milta ji jiske baad sir mujhe ek report ki photo click karne ko kehte hai jiske baad mujhe ek inspector ka number dete hai jiske baad mein usko woh report bhejta hu aur chamber ki taraf nikal jata hu mere sath sath is baar satish sir bhi a jate hai woh khana khane ke liye ate hai kyuki unko bhukh  lagi thi jiske baad chamber mein jane ke baad unke liye ek plate ati hai, jis mein se sir mujhe khane ke liye kehte hai, maine sir ko mana bhi kiya tha jiske baad sir ne plate thori se meri taraf khiska di, fir maine us mein 2 roti khai aur sir ko bol diya sir mein baad mein kha lunga sab ke sath.

jiske baad sir ne apna khana khaya aur meine unko pani wagera serve kiya jiske baad sir chalegaye lunch karke fir baki sab bhi ane lage jiske baad jaiveer sir aur maine apna khana khaya, jiske baad aaj chamber mein ek vikas sir the jinki aaj band ceremony thi jiske baad baki logo ne apna lunch kiya jiske baad humsab campaning ke liye jate hai, campaning humne 14th floor se start ki thi jisko humne 2 ghante mein khatam kar diya jiske baad hum chamber mein wapas a gaye jiske baad hum waha adha ghata bethe fir 5 30 baj gaye the.

ab mera court se ghar jane ka time ho gaya mein aaj ghumte hue ghar gaya jis wajha se 8 baje mein ghar aya ghar ane ke baad main pehle khana wagera khaya jiske baad blog likhne ke liye beth gaya. aaj ke blog mein itna milte hai aapse next blog mein tak tak ke liye byy byyyy.

INTERNSHIP #9 DATE 27.02.2025

 Hello guys!

aaj ke blog mein aapka sawagat hai, jaisa ki maine aapko last blog mein batya tha ki mera din kaisa gaya jiske baad, mein chutti mein nikita se mila fir ghar aya apna thora sa kaam kiya fir khana kha ke so gaya, jiske baad agle din yani ki 26.02.2025 ko, aaj mahashivrati thi, jiski court ki chutti thi jiske baad maine apna pura kam wagera mein nikal diya.

jiske baad mein raat mein 11 baje ke karib so gaya, fir aaj subhe 27.02.2025 ko 5 30 pe utha jiske baad 6 baje ke alarm ke sath apni nind thodi fir 6 30 ka intezar kiya ki is shubh muhrat pe uthu ga, jiske baad ghar se 7 50 tak nikal gaya, aur 9 20 tak court mein entry le li.

jiske baad mujhe mukesh sir gate no. 7 pe hi dikh gaye, jiske baad sir ne bola jao jaldi se bag rakh ke ao, mein gaya lekin jaa mein sidiya chadne laga hi tha toh dekha ki verma sir ka card gate pe hi hai jiske baad maine woh card uthaya lekin mera hi pair fisal gaya, jiske baad mein jaldi se 16 no. mein gaya bag rakha, washroom jake fresh hua, muh dhoya  aur mukesh sir ke pass chala gaya jiske baad sir mujhe ek hangging tag diya verma sir ka jiske baad mujhe gate no. 4 pe bhej diya madam ke pass, jiske baad mein wahi 10 baje tak mam ke sath tha.

aaj subha halki halki barish bhi ho rahi thi jiske bad mosam bhi badiya ho gaya, fir 10 30 baje ke karib mukesh sir ka call aya aur unhone hum ko lawyer's chamber building ke niche bulaya, jiske baad jab hum waha gaye tab dekha sari mandali wahi thi, jiske baad hum campaning ke liye gaye, ground, 1st, 2nd, 3rd, aur 4th ye sare floor cover kiye aaj, jiske baad verma sir ko kahi jana tha jiske baad woh chale gaye.

fir mukesh sir ko yaad aya ki unke ek sir ka proxymatery card lena tha jiske baad pehle unhone sandeep sir ko bheja lekin unko mana kar diya dene de, fir mukesh sir gaye jinke piche piche mein bhi gaya, jiske baad mukesh sir ne unse kaha ki ye nahi a sakte 75 age above hai, inke behalf pe mein lene aya hu, beahak mein inki baat aapse video call pe karwa edta u

mukesh sir ne unki baat video call pe karwa di, lekin unhone mana kardiya dene se, jiske baad hum head ke pass gaye jiski ye puri duty hai,, unhone ne bhi mana kar diya jiske baad unke bhi senior ke pass  gaye jiske baad un sir ne kaha sir hum card 21th march tak bate ge, beshak aap same day ao card lo vote do aur jao, jiske baad sir ne un sir se kaha ki sir aapko ana hoga jiske baad sir ne kaha ki mein kal aapko lene ata hu, jiske baad sir ne kaha ki okay mein kal 12 baje ata hu, tab mein apna card le jao ga.

jiske baad hum sab niche aye, jiske baad hum canteen gaye jiske baad waha sab ne kahna pina kiya, matlab nashta wagera uske baad hum chamber ki taraf gaye jiske baad raste mein jate waqat ek sir mile jiske baad mukesh sir ne mujhe unke sath bhej diya ki inke sath jake inki photo lelo, fir mein photo leke mukesh sir ke pass gaya, jiske baad sir ne mujhe karan bhai ke sath 102 no. court mein bhej diya, waha humne thora time waste kiya jiske baad hum wapas room mein a gaye, fir humne waha lunch kiya fir jiske baad hum wahi bethe the jiske baad waha deepak sir ate hai unke liye mukesh sir 5 bottle bhij wa dete hai. jisko leke jane ke liye mein pehle apna bag leke aya jiske baad sir ne rohit se keh ke mere bag mein bottle dalwa di, 

fir mein woh bottle chorne ke liye deepak sir ke sath parking mein gaya, jaha bottle unki scooty ki dikaki mein dalwai fir mein nikal gaya, fir hum sab lawyer's chambers building ke niche a gaye campaning ke liye karib 5 bajne wale the 10 15 nim hi bache honge 5 bajne mein, ki nikita aur rehman ka call ata hai, ki kab tak a jayega, fir mein unko batata hu ki adhe ghate ke karib lagega, jiske baad sir bolte hai ki jao bag le ao 16 no. se, jiske baad humsab chamber mein gaye fir waha jake sir ek choti si round table meeting karte hai ki kaise kaam karna hai kal kya karna hai ye mat socho ki election ke candidate mama hai ye samjho ki candidate hum hai agar woh jite ge toh hum jite ge, ye sab speach dene ke baad sir chamber se bhar a jate hai, jiske baad sandeep sir bhi bhar ate hai jiske sath sath mein bhi bhar a jata hu,

jiske baad mein mukesh sir se puchta hu ki sir mein jao, fir kehte hai haa beta, fir jab mein room se nikala jata hu fir sir kehte hai kaisa bola kuch galat toh nahi kaha na, mein sir ko batata hu ki aap toh motivate kar rahe the aur jo bola sab achha tha jiske baad mein niche jata hu fir gate no. 8 se exit leke rehman ko call kar deta hu, jiske baad usko batata hu ki mein nikal gaya hu tum dono bus thora sa wait kar lo.

jiske baad mein unke pass 6 baje tak pohch jata hu, fir waha unhone mere liye burger le rakha tha maine jate hi pehle un dono ko opingo mara jiske baad dono se mila hal chal pucha fir ek dusre ki little little se jayda bezati ki, fir rehman bhai apne ghar ke liye bike se nikal gaye, fir nikita aur mein metro ki taraf a gaye, jaha pehle nikita metro card banwaya jiske baad uske card mein 200 ka recharge kiya fir maine kashmiri gate yellow line pe chora jiske baad mein waha se ghar ki taraf wapas ho jata hu, jab mein maharaja surajmal stadium pohch jata hu tab suraj bhaiya ka call ata hai kaha ho karke, fir mein batata hu ki abhi naghloi hu fir woh batatae hai ki woh rajdhani park ke pass jiske baad woh mundka rickshaw stand pe mera wait karte hai jiske baad hum dono ghar sath mein ate hai.

ghar ane ke baad dekhta hu ki mere bhai ne pankha lagya hai jo bohot hil raha hai jiske baad maine us pankhe ko thik kiya lekin fir bhi woh jayda hi hil raha tha jiske baad maine bhagat uncle ko bulaya unke sath hardware store pe jake 30 rupee ki ek clip laye jiske ghar ake pankhe mein woh sab lagaya, fir maine rehman ka exam form fill kiya jiske baad rehman ne uski fees bheji jo fill karke maine usko uski pdf dedi, fir mein likhne betha apna blog 40 persent blog likhne ke baad mujhe lag gai bhukh jiske baad pehle jake maine khaya khana fir maine baki ka blog likhana suru kiya fir,

aab karta hu apne blog ko yahi pe khatam ab milte hai aapse kal ke blog mein aaj ke liye itna hi, tab tak ke liye byyyyy byyyyy

INTERNSHIP #8 DATE 25.02.2025

 Hello guys!

aaj ke blog mein aapka sawagat hai, mera last blog 19.02.2025 ko apna blog dala tha jiske baad aaj 25.02.2025 ko apna 8th blog dal raha hu, jismein aapka sawagat hai, aaj subhe 6 baje alarm ke sath meri ankh khuli jiske baad maine socha ki election date toh age shift ho hi gai hai aur waise bhi bohot time ke baad court ja raha hu toh late jao ga, jiske baad maine soch ki 7 baje uthu ga aur tayar hone laguga. jiske baad maine soch ki 6 30 ho gaye hai apna phone charging mein laga deta hu jiske baad thori der aur let jao ga, lekin phone charging pe lagane ke baad mujhe nind hi nahi ai.

jiske baad 7 ki jagha 6 30 pe maine tayar hona shuru kar diya jiske baad mein 7 30 tak tayar ho gaya aur ghar se bhi nikal gaya, jis stand se mein rickshaw/bus leta hu waha jane ke baad mujhe mera ek school friend ankit milta jiske sath tak mein punjabi bagh west tak gaya, fir mein 9 30 tak court pohch gaya jiske baad maine dekha ki waha mukesh sir pehle se the woh apni file arrange kar rahe the, arrange karne ke baad sir ne mujhe batya ki konsi file konse court room ki hai jiske baad mein unke sath campaning mein chala gaya jiske baad mein unke sath gate no. 7 pe khada ho gaya.

jiske thori der baad sir mujhe kuch pics whatsapp karte hai jiska mujhe printout nikal wana tha, sir ne mujhe 32 rupee diye jiske baad sir ne batya waha jao waha 12 rupee lega lekin mujhe woh printing room ka nahi pata tha, jiske baad mein thori der wait karke bhatakte bhatakte printing room mein pohch hi gaya jiske baad maine waha printout nikalwaya usne 20 rupee liye, jiske baad mein woh printout leke sir ke pass gaya unhone pehle bola ki gurmeet ki file mein jake ye rakh do, fir jab mein ja raha hota hu toh kehte hai ki puri file leao, mein file leke sir ke pass a jata hu jiske baad khud se arrange karte hai fir mujhe kehte hai cause list mein in sab ka item no. dekh ke in par likh lo, mein jayda hoshiyar aadami 16 no. mein beth ke pehle phone se sab court room ki judges ke naam dekhe jiske baad bari bari sab ke item no. dekh raha tha jiske baad mere pass gopal biswas sir aye, 

woh us time aye hi the jiske baad same time mere pass mukesh sir ka call aya ki beta kaha ho mein batata hu ki sir 16 no. mein hu sir kehte hai beta waha kya kar raha jiske baad mein sir ko batata hu ki sir mein phone se sab ka item no. dekh raha tha jiske baad sir bolte hai beta, utane mein gopal sir mere se phone mangte hai aur mukesh sir ko kehte hai sir leli file maine, jiske baad mein gopal sir ke sath pehle 320 no. court mein jata hu jiske baad gopal sir waha pehle cause list check karte hai jismein item no. 34 tha humara state v/s gurmeet jiske baad sir ne mujhe kaha ki tum yaha betho mein ata hu jiske baad mein wahi betha rehta hu jab item no. 27 ata hai tab mein gopal sir ko msg karta hu jiske baad mein item no. 28 pe sir ko call karke bulata hu, sir ate hai tab mein jo gurmeet hai jiski taraf se hum hai, maine usko dekha.

us adami ko dekh ke kahi se nahi lagta ki yaha pocket mar hai, kyuki F.I.R mein gurmeet ko ko arms act mein pakda tha, jismein sare gawaha polie wale hi the aur jo charge sheet thi woh bhi sari khud se banai hui thi, agar aap log khud us adami ko dekhte toh koi nahi keh sakta ki ye ek pocket mar hai, matlab 46 ki age ka adami apna ghar chalane ke liye ye sab kaam toh sayad hi kare, agar woh jawan hota toh man bhi leta lekin 46 ki age, achha khasa dressing sense, fir esi story, jab humari bari ati hai tab judge madam kehti hai ki bayan hona hai inka abhi PP sir aye ge tab hoga jiske baad sir mujhe bolte tum yahi betho jab pp aye toh call karna, jiske baad jab woh ate hai tab mein sir ko call karke bata deta hu, waha mein lunch ke time tak betha raha kabhi kuch kabhi kuch, tab tak maine puri file padh li, jo button wala chaku tha uska sara biodata leliya, ki kitne screw lage the kaise khuta tha, wagera wagera, lekin mein lunch ke time waha se nikal ke mukesh sir ke pass chala gaya.

mukesh sir ke pass jane ke baad waha pata chalata hai ki aaj kisi ki band seramony thi, jisko cerlebrate karne ke baad sab wahi bethe the, jiske baad gopal sir ate hai sab batate hai ki kya kya hua kaise kaise hua, jiske baad mujhe bolte hai tumko hona chaiye tha maza ata, fir hum sab casualy baat karne lage jiske baad hum sab camber se niche utar ke niche khade hoke hasi mazak kar rahe the fir aise larte karte 5 baj gaye fir mukesh sir us time the nahi woh  5 30 ke time pe aye jiske baad mein unse puchta hu ki sir mein jao, time ho gaya warna late ho jao ga.

sir kehte hai, sabash, fir mere kandhe pe hath rakh ke mere sath chalne lagte hai fir kehte hai kal ki toh chutti hai parso 9 30 baje tak a jana fir apna kaam wagera dekh ke wapas camaning mein lag jayege yahi kuch din hai hum mare pass jo karna hai in mein hi karna jiske baad toh jeet apni hi hai.

uske baad mein tis hazari pe nikita se milta hu fir ghar ke nikal jata hu jiske baad ane ke baad apne political science ke notes banata hu jiske baad kahana kha ke blog likhta hu, aaj ke blog mein itna hi milte hai aap se dusre blog mein tab tak ke liye byy byyy

INTERNSHIP #7 DATE 19.02.2025

 Hello guys!

aap sab ka sawagat hai aaj ke blog mein, jaisa ki last blog mein maine batya tha ki kaise mein apna blog likhna bhul gaya tha jiski wajha se maine blog next day likha aur next day mera court jane ka man nahi kar raha tha jis wajha se mein court bhi nahi gaya, 

ab ate hai aaj ke blog pe, rooj ki tarah mein aaj alarm ki meherbani 5 30 pe uth gaya jiske baad mein alarm off karke wapas let gaya, kyuki maine 6 baje ka bhi alarm laga rakha hai jiske baad mein 6 baje utha aur fir tayar hone laga, jiske baad 7 30 tak mein naha dhoke pooja path karke ghar se nikal gaya court ke liye, aaj jab meun mundka jane ke liye bus mein chada toh pata nahi jis app se mein bus ki ticket book karta tha uska server hi down ho gaya, aur jab ticket lene gaya toh uske pass change hi nahi the, jiske baad mein app pe hi try kar raha thi ki chal jeye lekin chala hi nahi, aise karte karte mundka a gaya, fir mein thora confidence ke sath bus se utra rooj ki tarah, ki checker ko shaq na ho, lekin waha koi nahi tha, fir mein nikal gaya metro ki taraf.

metro pe pohch ne ke baad main apna card recharge karne ke liye vending machine ke pass gaya jaha woh cash accept hi nahi kar raha tha, jiske baad maine customer care pe gaya jiske baad meine waha se apna card rechage karwaya, fir mein 8 40 tak court a gaya, fir mein ghumne laga kyuki mukesh sir aye hi nahi abhi tak jiske baad mein wahi ghum raha tha 10 20 pe maine mukesh sir ko call kiya ki sir aap court a gaye, jiske baad unhone batya haa aaj late ho gaya gate no. 7 pe hu, jiske baad mein unke pass gaya aur sath mein campaning karne laga.

fir maine deepak sir ko call kiya ki woh aaj court ayege, unhone batya ki satish sir ke father ki death ho gai jiski wajha se woh haridwar aye hue hai, on tha way hai sir ne bola ki 5 baje jana, kyuki agar koi client aya toh tumko dekhna hai, jiske baad mein mukesh sir ke sath tha, aaj court mein strike hui, matlab strike toh 3 din se chal rahi thi aaj ka mila ke lekin bada aaj hua, kyuki last 2 din se strike toh chalu thi lekin koi serious nahi le raha tha, kyuch VC pe court attend kar rahe the jis wajha se court ki procedding chal rahi thi. 

jisko aaj sabhi members ne achha bhasahn deke reply diya jiske baad court se sabhi gate pe tala laga diya starting gate no. 4 se hui jaha se only staff entry hai, jiske baad gate no. 8 se exit leke court ke bhar dharna diya jiske baad sabhi members court ka round chakkar kat ke gate no. 5 se andar, fir sab apne apne chamber mein gaye, hum bhi chamber mein ake planing kar rahe the ki age kya karna hai, jiske baad hum sab chamber building ke 10th floor pe gaye waha se apni campanig start kari 8th floor pe ane ke baad mein sandeep sir aur rohit ke sath parking mein gaya jaha se humko kuch saman leke ana tha jiske baad mein verma sir ke pass gaya woh us time 4th floor pe the, jiske baad 4th floor khatam karke chamber mein a gaye, jiske baad hum sab ne lunch kiya aur fir sandeep sir, bhamanchal sir aur mein 8th floor ki canteen ke pass jake beth gaye, jaha adha ghanta aram karke chamber mein a gaye .

ye sab karte karte humko 4 30 ho gaya, jiske baad hum sab nikal ne ki tayari mein the, fir sab niche a gaye waha sab ne thori der baat ki fir 5 baje apne apne ghar ke liye nikal gaye, 6 30 tak mein ghar a gaya, jiske baad mein ghar ake khana pina hua, fir mein blog likhne ke liye beth gaya, 

aaj ke liye itna hi milte hai aap se next blog mein tab tak ke liye byy byy

INTERNSHIP #6 DATE 17.02.2025

 Hello guys!

aaj ke blog mein aapka sawagat hai jaisa ki maine last blog mein batya tha ki kaisa mera din gaya jo ki kafi leanthy ho gaya tha, jiske baad blog likh ke sone ke liye chala gaya, agle din subha alarm ke sath meri nind 5 30 pe khul gai, lekin mein alas ki wajha se leta hua tha, fir 5 40 approx mujhe viberation jaisa kuch laga woh earthquake tha, jiska center new delhi se 4 km door tha, jiska asar mere ghar tak aga, earthquake ka magnitute 4.7 tha, uske baad maine apne sir se kambal hata ke de dekha ki pankha bhi nahi liya, jiske baad mein wapas le gaya, fir mujhe 5 min baad ghar ke bhar logo ki awaj ane lagi jiske baad maine phone se sara data nikala ki kaha aur kya hua hai, fir maine bhar nikal ke sab ko woh batya, fir mein chala gaya apne tayar hone ki taraf.

aaj mein 7 30 pe tayar hoke ghar se nikal gaya, bus/rickshaw stand pe pohch ne ke baad waha bus ai jis mein  mein chad gaya fir mundka utra, aise karte karte mein 8 50 tak court pohch gaya, jiske baad pata chalta hai ki aaj 16 no. khula nahi jiske baad ek sir ne kaha ki jao bar office mein jao waha roshan hoga usko bolna ki isko ake khole, jiske baad mein waha jata hu mere se pehle ek sir waha pohch chuke the, jinhone waha bol diya tha ki usko kholo, fir mein sir ke hi sath waha se ane laga.

time se darwaja na khulne ke karan na uski safai hui ti na kuch, darwaja khulne ke baad waha se cigrett ke smoke ki smell a rahi thi. jiske baad mein waha mukesh sir ka wait kar raha tha, jab woh aye toh unhone batya ki aaj to strik hai, jiski wajha se aaj koi bhi court hearing mein nahi jayega, aur na koi band lagye ga, unhone mujhe apni car ki chabi di aur kaha niche jake ek pack card ka le ao, jiske baad meine sir se kha ek toh mere bag mein bhi hai, jiske baad meine sir ko woh nikal ke deiye, jiske baad hum dono verma sir ke pass gaye waha un se pucha ki card batne hai ya nahi, jiske baad sir kehte hai ki nahi aaj rehne dete hai, waise bhi strick hai...

jiske baad mukesh sir aur mein gate no. 7 pe jate hai, waha logo ko verbal hi vote and support ke liye bol rahe the 'moolchad verma for vice president' aise hi hum sab ko bol rahe hai, vote and support, fir aise karte karte 10 30 pe ye sab band kar diya, jiske baad mujhe mukesh sir verma sir ke pass bhej deta hai, mein unke hi sath rehta hu, ghumta uh, fir mere pass deepak sir ka call ata hai ki gate no. 5 pe client aya hai, lekin sath mein id leke nahi aya, jiske baad mein unko lene ke liye waha jata hu, jaha jane ke baad mein unko entry karwa deta hu, jiske baad woh gayab ho jate hai, fir mein bhi verma sir ke sath kaam pe lag jata hu, 

thori der baad deepak sir ka call ata hai ki usko wapas bulao, aur uski tarik lelo, jiske baad mein unko gate no. 7 pe wapas lene ke liye jata hu, unki wapas entry karwake, fir woh sir se baat karte hai ki kya kaam reh gaya ab, hum toh wahi a rahe the aapki taraf, sir kehte hai thi hai ajao, fir woh chalegate hai. jiske baad mein mukesh sir ko dhundta hu kyu ki woh phone nahi uthate jiske baad 5 min baad sir ka call ata haaa vikram batao mein puchta hu sir kaha ho aap, jiske baad batate hai ki woh 3rd floor pe hai jiske baad mein waha unke pass jane hi wala tha lekin sir kehte hai ki mama niche hi hai central hall ke pass jiske baad mein waha verma sir ke pass jata hu. jiske baad mein sir ke age piche ghta hu NSG commando ki tarah, fir baki sab bhi a jate hai hum sab fir chale jate hai waha jane ke baad sab ke liye khana ata hai, hum waha lunch karte hai jiske baad thori der beth ke supreme court ki judgement sunte hai ki kya hoga election ka.

jis mein jab item no. 48 ata hai jismein judgement ati, us mein supreme court ne kaha ki Lady Treasurer ki post ke liye candidate ka minimum experience 10 years ka hona chaiye, jiske baad election commisioner ko 2 din ka time diya hai ki agar kisi ko is post pe nomination karna ho to in do din ke andar karsakta hai, jiske baad case disclose ho gaya, jiske baad sandeep sir ne verma sir ko ye baat batai ki esi esi judgement ai hai, jiske baad sir ko kahi jana tha, jiske liye verma sir ke sath sandeep sir, jaiveer sir, brhmanchal sir aur mukesh sir ye sab verma sir ke sath jate.

jiske baad jab hum niche aye toh pata chalta hai ki sandeep sir ki car ki chabi jisko sir ne di thi woh jald bazi mein apne sath le gaya, jiske baad verma sir waha ke parking incharge ko dat lagte hai. jiske baad sandeep sir apne ghar se apni car ki chabi mangate hai. fir car se kuch saman manga ke mujhe de deta hai jiske baad mein woh saman chamber mein pohcha ke baad bag leke court se nikal jata hu. kyuki aaj mujhe ek ki shadi karwani thi jiske liye mere pass deepak sir ka call aya tha. ki ye client hai is se baat kar lene.

5 30 ho jate hai lekin client phone nahi uthata, jiske baad deepak sir mujhe ghar jane ke liye keh dete hai. ghar ane ke baad mein ghar pe elctricion ka kaam karne lag jata hu kyuki mere room ki tube light fuse ho gai woh change karne ke baad mein apna labour card ke kaam mein lag jata hu, lekin fir mere dooste nishant ka call ata hai ki bhai kaha hai, mein batata hu ki mein ghar pe hu, jiske baad woh apne papa aur bhai ke sath mere ghar ata hai kyuki woh ek case mein fas jata hai jiske liye salaha lene ata hai.

jab woh ghar ate hai ki mere se baat karne ke liye toh pata chalta hai usne kisi dooste ko apni passbook aur jis phone no. se uska account link tha woh sim card de rakha tha aur woh ladka us account ka missuse kar raha hai jiski wajha se uske ghar bank wale aye the lekin us time ghar pe nishant nahi tha uske papa aur bhai the, jiske baad bank wale usko kal bank ane ke liye kehte hai jiske baad woh sab thora dar jata hai ki koi case wagera toh nahi hoga etc etc...

mein kehta hu ki ek FIR karwa diyo ki aisa aise passbook chori ho gai hai, aur woh bank mein dediyo jiske baad thori der baat hoti hai aur fir woh apne ghar chale jate hai, fir tab tak kafi late ho jata hai jis wajha se mein same day blog nahi likh pata, fir mein next day yahi ki 18.02.2025 ko court ki chutti kar leta hu jiske baad mein blog aaj likh raha hu, ab mein leta hu aapse alvida milte hai next blog mein tab tak ke liye byy byy

INTERNSHIP #5 DATE 15.02.2025

 Hello guys!

aaj ke blog mein aapka sawagat hai, jaisa ki kal ke blog mein maine batya tha ki mein rohini court ke election mein ab vice president ki post ke liye jo candidate hai, mr. moolchand verma sir ab se unki campaning mein jaya karu ga election tak, ye kaam mujhe deepak sir ne dilaya, jiske baad mein muskesh sir ke sath hi tha aur aaj ghar ane mein bhi mujhe kafi time ho gaya karib mein 7 baje ghar aya. jiske baad apne chacha ke ghar gaya apni bike lene ke liye, fir ghar ake khana khane ke baad blog likha aur so gaya.

aaj subha mein 4 30 pe utha kuyki mujhe toilet jana tha bohot pressure se a rahi thi,  jiske baad mein so gaya fir alarm ki wajha se  5 30 pe meri nind khuli jiske baad maine socha 1 ghnate mein to tayar ho hi jata ho 6 baje uthu ga aur tyar hona start kar dunga lekin meri futi kismat 6 baje ka alarm laga ke mein so to gaya lekin jab alarm baja same time galti se mere se phone alarm bajte hi stop ho gaya jis wajha se mein 6 30 pe utha fir jaldi jaldi mein tayar hua, mummy ko maine batya nahi tha ki mein jaldi jao ga lekin mummy ne time se parathe wagera bana diye aur mein 7 30 tak ghar se nikal gaya, road pe jate hi mujhe bus mil gai jiske baad mein 8 30 tak court pohch gaya.

waha jane ke baad mein mukesh sir ka wait kar raha tha kyu ki unhone kaha tha ki time se ane ke liye woh bhi 9 baje, to mein toh agaya lekin sir nahi aye aur jab woh aye tab hum dono M.C.Verma sir ke card leke bhar gaye pehle sir ne mujhe gate no. 4 pe mam ke sath bhej diya lekin 5 baad ek dusari mam a gai jiske baad mam ne mujhe bhej diya, mein muskesh sir ke pass wapas a gaya, waha me sir le sath bat raha tha lekin hum ek gate pe 3 log the jo ki nahi hone cahiye jiske baad mujhe muskesh sir ne dusre sir ke sath lawyer chamber block ke lift ke pass bhej diya jiske baad mein waha pamplet bat raha tha mere se pehle waha aur bhi log the mein bhi unke hi sath mix ho gaya ksimat se verma sir bhi wahi the woh mujhe pakad ke pehle side le gaye jaha unhone mere se pucha mujhe janta hai, fir maine unki card ke taraf ishara kar diya ki aap hi to ho.

jiske baad sir ne pucha ki kiske sath ho meine batya mukesh sir ke sath jiske baad sir ne bola good maien is liye pucha ki kahi koi tum se puche ki kon hai aur tum bata nahi pao aoo lag jao kaam pe jiske baad maine har senior ke good morning mam/sir greet kar raha hu sir ka card dikhate hue bata raha hu, moolchand verma ji, vice president...

jiske baad ek do ne meri copy karni start kar di fir mere pass mukesh sir ka call ata hai ek baar mere pass ao jiske baad mein sir ke pass gaya aur sir ne kaha gate no. 4 pe jao waha mam akele hai, mein extra card leke waha gaya mam ke sath toh pata chalta hai ki dusri mam ko court jana tha kisi matter ki wajha se is liye mujhe bulaya. mere ane ke baad mam waha se gai fir maine apna kaam start kar diya mam ladki hone ke bawajud other advocates mere se hi card le rahe the, mujhe to maja a raha tha ki waha bhai kya kar raha hu mein, jiske 10 min baad dusari mam a gai jiske baad mein apni pehli wali jagaha pe wapas a gaya jiske baad karib 10 30 pe hum ne card batne band kar diye, sir hum sab jo jo sir ke sath the woh lawyer chaber building ke niche a gaye.

waha mukesh sir ne mujhe ek dusre ladke sath bheja card lene ke liye jiske baad mein niche se 5 bundel leke aya card ke, jab mein wapas uppar aya fir mere pass deepak sir ka call aya ki gate no. 5 pe ek client hai usko andar le ao, 16 no. mein, mein bhar ja hi raha tha tab satish sir ka call aya ki mein bhar betha hu pinky ke yaha jaha khana khate hai, client ko waha le ao, mein client ko wahi le gaya, waha sir ke sath ek uncle bethe hue the mere jane ke baad un uncle ne apne tiffien ki parathe waha garam karwaye aur 2 plate sabji ki karwai, jismein maine aur satish sir ne ek sath khaya aur un uncle ne apna alag.

fir satish sir client se baat kar rahe the client ko bail karwana tha usi ke bhai ko rape ke case mein andar kiya tha matter ladki ka tha ladki ladke ke pass 15 din ke karib reh ke ai thi jiske baad rape ka case kar diya ladke pe police usko pakad ke le gai. fir satish sir aur mein client ko leke court mein aye waha deepak sir hum ko mile, jiske baad unki appas mein baat wagera hui, fir sir ne vakalatnama unko signature aur stamp laga ke unko diya jiske baad woh tihar jail ke liye nikal gaye, fir deepak sir ne mujhe kaha jao tum un ke pass jao apne kaam mein lago lekin mukesh sir ka phone lag nahi raha tha, jiske baad deepak sir ne unke pass call kiya unhone batya ki 2nd floor liberary mein hai jiske baad hum waha gaye fir waha se pura 2nd floor cover karte hue last mein canteen mein a gaye, aur fir verma sir ne kaha ki yaha a hi gaye hai to tum sab apna nashta pani kar lo, aur thoa aram bhi, 

fir sab ne nashta kiya maine vada sambar mangaya tha aur satish sir ne bhi yahi order kiya tha baki ne sandwich, woh sab karne ke baad sab chamber mein gaye jaha sab bethe ke hasi mazak kar rahe tha aur fir lunch time pe sab ke liye khana wagera bhi aya woh karne ke baad deepak sir ne kaha ki tum yahi bethe mein ata hu, jiske baad mein wahi betha tha baki logo ke sath batha hua tha mujhe maza a raha.

jab hum khana kha rahe the tab ek sir ne bola kya hua itna serious hoke kyu bethe ho, fir dusre sir ne kaha isne phone open kiya uske baad aisa hai warna to kal do baar daat dikhaye the isne, fir sir ne kaha ki batao kya baat hui gf ne kuch bola, sir keh rahe the batao waise bhi sab free hai abhi ghar chalte hai dress mein bhi hai hi aaj kuch tufani bhi karte hai maine bola sir aisa nahi hai kuch bhi jiske baad mein bhi sab ke sath ghulne bethne lag gaya, maza to a raha tha jiske baad mein kahi is chamber mein kabhi us chamber mein fir  430 hue tab mukesh sir ne kaha ki chalo niche chalte hai abhi hum ko bhar hona chaiye toh hum yaha bethe hai, fir hum niche jate hai jiske baad 1 2 ko card deta hai fir chor dete hai.

jiske baad mein 16 no. se apna mukesh sir aur jayveer sir ka bag leke unke pass ata hu mukesh sir kehte hai ki beta isko chamber mein rakh ao ge kya mein rakh ata hu uske baad sir ne bola ki ab aap ja sakte ho kal aaj ki tarah time se ana, election tak aisa hu chalega sab.. maine bhi sir ko ok kaha jiske baad deepak sir ne mujhe kaha tha 5 baje jab chutti hogi to jane se pehle mujhe inform karke jana maine unko phone kiya jiske baad woh mukesh sir ka naam lete hai ki kaha hai woh mein deepak sir ki unse baat karwa deta hu, jiske baad sir mujhe bhej deta hai, fir mein 6 30 tak ghar ata hu, jiske baad mere bhai aaj cake bana raha tha kyuki papa ka aaj birthday tha, fir woh cake bana raha tha mein unki help kar raha tha jiske baad cake ban ne ke baad prince mummy ke sath market gay, aur mein blog type kar raha tha, jsike baad starting ke 2 para likhen eke baad mummy market se a jati hai, fir cake cutting hoti hai jiske baad mein khana khane ke liye jata hu.

khana kahane ke baad mein blog typing pe lag jata hu jiske baad ab mein apna blog yahi khtam kar raha hu, aaj ke blog mein itna hi, kal ak ke liye byy byy...

kal tak matlab next court ka working day kyuki kal chutti hai due to sunday...

INTERNSHIP #4 DATE 14.02.2025

 Hello guys!

aaj ke blog mein aapka swagat hai, jaisa ki kal ke blog mein maine aapko batya tha ki kaisa mera din gaya aur kya maine kiya jiske baad ghar ane ke baad mein blog likh ke so gaya tha, to chaliye aaj ka blog shuru karte hai.

aaj mein subhe uthne mein alas kar raha tha nind bohot a rahi pehle 4 baje rehman ka call a gaya uske baad 5 30 pe alarm baj gaya, aur phir mein phone charge mein laga ke so gaya, fir meri nind khuli 7 baje fir mein tayar hote hote 8 baje tak nikal gaya. mein kal ki tarah 9 30 tak court pohch gaya, 

sir aaj bhi kal ki taraha late the, woh 11 30 pe aaj court aye, jiske baad hum aise hi ghum rahe the aaj bhi koi matter nahi tha, aaj subhe mere pass bar and bench ka ek notifiaction aya tha ki advocate act mein amendment hoga, jiske liye aaj court mein strik thi, fir rrom no. 16 mein sab ake speech de rahe the, ki hum isko hone nahi denge, ye humare rights ke against hai etc etc... jiske baad mein ghum raha tha idhar udhar court mein.

karib 12 ya 1 baje sir ne mujhe call karke 5 no. gate pe bulaya waha mukesh verma sir the, sir ne bola ab tum inke sath raho ge election tak, jiske baad mein unke sath court ki heraing mein bhi gaya, fir mein lunch karne ke liye bhar chala gaya, mukesh sir ke sath nahi gaya, fir mein 16 no. mein unka wait kar raha tha ki woh aye ge lekin aye nahi. 

fir deepak sir ne mujhe kaha 312 mein chala ja waha kuch se milega jhulega, kuch sikhega, mein waha gaya waha mukesh sir the, jiske sath mein tha fir wahi 5 baje tak betha raha, aaj hum kahi nahi gaye, fir woh mere pass aye aur kaha ki deepak sir ko call karke boldo ki mere phone off ho gaya, fir maine deepak sir ko call kiya ki apne mukesh sir se kuch kaam tha kya, unhone kaha ki haa maine batya ki unka phone off ho gyaa hai to sir ne kaha apne phone se baat karwa de, maine baat karwai, fir hum deepak se ke pass gaye mein aur mukesh sir.

fir waha sir ki apas mein baat hui, jiske baad mukesh sir ne kaha ki bhai red khatam ho gai blender hai, deepak sir ne kaha jo hai woh bhij wa do sir, fir sir ne mujhe 2 half bottle di, jisko leke mein deepak sir ke pass gaya jaha mujhe deepak sir ke sath sumit sir bhi dikhe, undono ke sath mein parking mein jaha pehle maine unko apne bag se nikal se dono bottle di, jiske baad mujhe bhar bheja glass pani aur namkeen lene ke liye mein leke aya jiske baad in sab mein 6 30 ho gaye the, fir mein nikal gya sir ko sara saman deke.

bahar nikalte nikalte lucky ka call a gya hum dono inderlok mein mile waha se ghar sath aye, ghar ane ke baad mein apne bhai ke sath pooth kalan gaya jaha se mein apni bike laya, fir ghar ake maine khana aur blog likhana shuru kar diya, aaj ke liye itna hi milte hai kal  ke blog mein tab tak ke liye byy byy...

INTERNSHIP #3 DATE 13.02.2025

Hello guys!

aap sab ka swagat hai aaj ke blog mein jaisa ki kal ke blog mein maine aap sab ko batya tha ki kaisa mera din gaya kaise nagar sir ne neta logo se paise aur daru ka intezam karwaya. ab usi ko age likhte hue shuruat karte hai aapne blog ko.

kal blog likhne ke baad mein so gaya tha aur aaj subhe mein 5 30 pe utha alaram ki pehli ghanti ke sath jiske baad maine apna phone lagya charge mein aur let gaya, fir mummu 6 30 pe ai uthane ke liye, fir mein utha aur pani garam karne mein laga diya, jiske baad maine 8 baje tak tayar hoke court ke liye nikal gaya.

aaj mein kal ki tarah 9 30 pe pohch gaya lekin aaj sir late ho gaye, woh 11 30 pe court aye, tab tak maine apne phone battery 65 persent kar di, jiska mujhe kafi khed hai, sath hi sath maine book bhi padh raha tha khali time mein 65 persent to metro mein use karte karte ho gaya tha, ab akela ladka is metro mein book nikal ke padhe ga to kisi aur ke mummy papa ane ladke ko bolege sikh ye kuch ban ne ke baad bhi padh raha lekin tu kal exam hai lekin kuch hosh khbar hi nahi hai. jiski wajha se mein metro mein book nahi padhta, kyu kisi se dushmani palni.

aaj sir black shirt mein aye the jiska matlab tha ki aaj koi date nahi hai, maine sir se puch to unhone batya ki ek date thi lekin client ne koi response hi nahi diya, toh choro isko, fir sir aur mein bhar central hall ke pass jake dhoop mein beth gaye, jiske baad sir call pe apne kisi mitar ke sath batiyane lage to maine socha ki mein bhi apne kisi mitar se batiya lu. maine rehman ko call kar diya jiske baad hum dono ke bich karib 4 min baat hui.

jiske baad kuch khane ke liye hum bhar gaye rooj ki tarah, aaj sir ghar se khana bhi leke aye the mattar paneer aur sath mein ghar ki roti, jisko sir ne wahi garam karwa aur mere liye ek plate khana lagwaya, jisko klhane ke baad hum age court, fir mein wapas book padhene laga, fir entry hoti hai amit sir ki.

jinhone ane baad kajal aur narender wali file nikal li, wahi aurat jiska husband aur wife dono alag alag date kar rahe hai, file puri tyar ho gai, file ki pdf bhi ho gai aur OCR bhi ho gaya, lekin na e filling mujhe ati hai na amit sir ko, hum dono e liberary mein jake try kar rahe the, lekin nahi ho raha tha, jiske baad amit sir ne kaha chal chor kya sir marna is mein us ladke ko dedenge, 100 150 lega. maine bhi chor diya warna kar deta jiske baad deepak sir kehte hai ki amit ke sath raho mein ata hu, 

mein amit sir, sumit sir, aur satish sir hum charo log hospital gaye jaha sir ka koi jan kar admit tha, waha adha ghanta ruke, fir court ke liye nikal gaye, raste mein ate waqt sir logo ne 3 jagha to gadi roki jiske baad unhone apne peg wagera banaye aur kari daru party, meine unka chakhna kha liya maje maje mein, fir sir ne mujhe gate no. 4 pe drop kiya aur chale gaye apne chiken wagera lene, mein late na ho jao us wajha se sir log mujhe 5 baje hi bhej dete hai kyuki metro se ane mein 1ghnata 30 min lagte hai. lekin bike se max 30 min. 

jiske baad mein ghar pe 6 30 baje tak ghar a gaya, aur aaj papa bhi ghar a gaye the jiske baad unhone kitchen ka jimma sambhal liya jiske baad aaj ghar ban rahi hai, soya chap aur chawal.

aaj ke blog ke liye itna hi milte hai aap se kal ke blog tab tak ke liye byy byy...

INTERNSHIP #2 DATE 12.02.2025

Hello guys!

aaj ke blog mein aapka swagat hai, jaisa ki kal ke blog mein maine aapko batya tha ki kaisa mere din gaya aur mein court mein bor hua. aur 5 baje chuuti hui jiske baad mein ghar aya aur blog likhne beth gaya fir khana kha ke jab mein sone hi ja raha tha tab deepak sir ka call aya ki kya kar rahe ho, jiske baad meri aur sir ki karib 15 min baat hui fir mein so gaya, 

aaj subha mein utha 6 30 pe jiske baad hosh mein ane mein mujhe karib 15 min ka time laga aur uske baad maine apna phone charging mein lagaya aur tayar hona shuru kar diya, pani garam kar aur tayar hoke 8 baje tak nikal gaya, kyuki maine sir se kaha tha ki aap se bhi jaldi a jao ga usi ka palan karte hue mein 9 30 pe court pohch gya, lekin sir aaj late ho gaye woh corrct 10 baje aye.

jiske baad hum court no. 201 mein gaye jaha ki aaj hering thi lekin ek misunderstanding ho gai. humare app mein hearing ki date 12.02.2025 thi lekin court ke data mein date 24.02.2025 ki thi jiske baad satish sir bhi a gaye, hum tino milke court complex mein ghum rahe the kyuki aaj koi hearing hi nahi thi, jiske baad mein dhoop mein jake beth gaye, aur jo jo candidate is baar rohini bar council ke elction mein khade hue hai sab se mil rahe the.

last mein karib 3 baje, humare sath Sumit sir aur M. P. Nagar sir bhi a gaye, fir nagar sir ne 2 candidate se apni aur baki sir ki party ka intezam karwa diya, jismein pehle ek mam thi jo joint secratory ke post ke liye khadi thi, jinko sir ne apni bato mein fas ke mam se 4500 rupee nikalwa liye, aur fir deepak sir ke phone se nagar sir ne kisi aur ko call kiya jin se 3 rock ford ki bottle aur chakhne ke liye 1500 rupee nikalwa liye, aur last mein deepak sir ko ek sir ki taraf se invitation mil gaya, court ki dusari parking mein open party chal rahi thi red lable aur chkhna, sir logo ke maza a gaye.

sabhi sir ne mere se bhi pucha lena hai to lele, lekin mein nahi pita jis wajha se maine mana kar diya, uske baad sumit sir mere pass ate hai aur same question wapas puchte hai agar leni hai to lele, nahi to ja sakta hai kyuki humko yaha time bhi lag sakta hai. mein deepak sir se mila unko batya ki mein ja raha hu, jiske baad sir ne mujhe kaha kiraya hai, maine bola ha sir hai, jiske baad sir ne mere phone pe pe 200 rupee transfer kare,

fir mein apne phone ki 14 persent battery nikal gaya, pritampur se peeragrhi ate ate 5 persent battrey ho gai, fir maine phone ko super power saving mode mein dalke aram se beth gaya. ghar ane ke baad meine khana khaya aur blog typing mein lag gaya, 

aaj ke liye itna hi milte hai aapse kal ke blog mein tab tak ke liye byy byy

INTERNSHIP #1 DATE 11.02.2025

hello guys!

mein vikram aapka sawagat karta hu aaj ke blog mein, jaise ki maine apne internship ke 1st era mein batya tha ki mein apne blogs mein apne court life ke bare mein explain karu ga, 

example, din kaisa gaya, kya kya hua, kal ka kuch kaam aya hai ti kaise hoga etc.

ye hai mere internship ka era 2nd.

aaj hai date 11.02.2025 aaj tha mere 2nd era ka 1st day, mein aapko apne mid night se batana chata hu, raat 12 baje ke baad maine 12 30 tak phone chalaya aur ankho mein asu liye so gaya, jiske baad subhe udaas udaas utha fir 08 30 tak mein court ke liye tayar ho gaya, maine is baar apne court experience ke liye pehle se hi sara stationary ka saman khrid liya jis mein tha 2 ball pen black aur blue montex ke aap bhi is pen ka use karke dekhna, us karte waqt alag hi feel ata hai, like you are a professional person. aur liya sath mein ek fountain pen 1 fluide, 1 fevistick in last liya ek machanical pencil 0.7mm wali, 0.5 ki nidle jaldi tut jati hai.

mein metro se aaj gaya kyuki bike mere chacha ke pass hai unkone kaha hai ki 2 3 din mein bhij wa dunga, jis karan maine metro se jana ka faisala liya jiske baad mein 10 00 baje tak court pohch gaya jiske baad maine room no. 16 mein entry lene se pehle hi sir ko call kar diya ki aap kaha ho, jiske baad mein apna bag room mein rakh ke 310 mein chala gaya jaha humara number ane hi wala tha jiske baad humne woh attend kiya aur bhar a gaye, sir ne party se apni aaj ki haering ke paise liye jiske baad last hearing pe party delhi mein nahi thi jiski wajha se sir ne unke behlaf pe applicationa lagi thi, jiske bhi sir ne aaj hi paise liye.

jiske baad aaj amit sir late ho gaye the jiski wajha se proxy council ke naam pe deepak sir ko stand hona pada lekin jab tak humara number aya tab tak amit sir bhi a chuke the, ye case amit sir ke papa ka tha jinka naam hai m p nagar, judge madam bhi unke janti thi jis waha se thora hasi mazak bhi hua, fir humko 24 march ki date mili. aur fir hum niche 16 number room mein agye.

niche ane ke baad humne apni file deepak sir ke bag mein rakha jiske baad hum khana khane bhar gaye, sir wagera syad ghar se khana kha ke nahi ate jiski wajha se unko jaldi bhook lag jati hai, kyu us time, time bus 11 30 hi ho raha tha humen stall pe jake 3 plate lag wai jis mein aaj ka menu tha, chole jo fike the, dal jo sahi thi lekin sawad nahi tha, pyaj tha nirchi ki chatni ke sath, aur the 4 roti jismein se humne 3 hi khai, pata nahi kyu. khana khane ke baad mein 16 mein wapas a gaye jaha ek client humara wait kar raha tha, aaj apni zindagi mein pehli baad kisi ki shadi karwane wala tha.

unsab ko leke pass ke arya samaj mandir mein gaye jaha ladka ladki ke aadhar card, pan card, 2 photo dono ki aur sath mein withness ke aadhar card aur 1 photo, agar in future koi court marriage karna chata hai to ya sab id sath leke jaye.

waha jane ke baad sari id ki photocopy karwai jiski baad ladka aur ladki dono ka affidavit tayar kiya aur ladki se ek consent form likhwaya uske hatho se jab aisa ho raha tha tab ek ne pandit ji se pucha ki ye letter ladki se hi kyu likhwate hai.

jiske reply mein pandit ji ne batya aapne woh movie dekhi hai pink...

jis mein ladki pe charge file hota hai 307 ipc ka attemt of murder lekin last mein ate ate ladka fas jata hai aur uski umar ked ki saja hoti hai.

ladkiyo ko mile is privillage ko balance karne ke liye sab karna hota hai. that a reasone....

last mein shadi karwa ke unsab ko sir ne bhej diya jiske baad humne apna court mein wapas a gaye aur apna pending work karne lage amit sir ka ek drafting ka kaam tha jiske liye hum e liberary gaye jaha sir ne apni drafting shuru kari aur mein woh sab dekh raha tha jis wajha se mujhe nind ane lag gai lekin jaise hi ankh lagne wali thi deepak sir a gaye, fir mujhe amit sir ne property sell ka e stamp lane ke liye bhej diya jiske baad mujhe waha karib adha ghanta lag gaya. fir mein us stamp paper ko leke 16 number mein wapas agya jiske baad mein file cover, case informatin, list of document lene ke liye stationary pe gaya jaha se ane ke baad ek clint ata hai jiska divorce ka application lagna tha.

iska case kuch jayda hi teda tha, matlab ladki shadi se pehle ek ladke se perm karti thi lekin ladka tha criminal jail ata jata rehta tha jis wajha se ladki ne dusre se shadi kar li lekin ladke se milna jhulna band nahi kiya aaj ki date mein us ladki ka apne pati ke sath dhai saal ka bachha hai, lekin is case mein jo husband hai usne bhi ek married ladki ko bhaga liya aur ladki apne pre wedding bf ke sath reh rahi hai.

ladka alag maje mein ladki alag maje mein jis wajha se dono ka divorce karwna hai, paper wagera tayar karwa liye aur unke signature wagera karwake bhej diya. fir sir amit sir ke sath apni scooty ki repairing karwane ke liye chale gaye aur mujhe kaha 5 baje jana, mein 5 baje tak waha boor hota raha, matlab bus phone wagera hi us kiya. jiske baad 5 baje aur mein court se nikal gaya, mein nikalte hi apne college friend abdul ko call kiya kyuki mera man nahi laga raha tha, woh bhi court mein tha jiske baad us se baat karte mein metro tak a gya jaha pohchne ke baad rehman ne byy bolne call cut kar diya.

metro mein bethne ke baad maine apne ke school friend lucky ko call kiya jo tab tak apne ghar pohch chuka tha. us se bhi thori der baat ki fir mein apna song aur book padhne mein lag gaya. fir 1 ghante baad mein ghar a gaya.

aaj ke blog mein itna hi milte aaap se next blog mein tab tak ke liye byy byyy