DATE:31.07.2024
Welcome guys!
aaj ke blog mein aapka swagat hai, jaisa ki kal meine batya tha ki, din bhar ke faltu kaam ke baad mein ghar ake blog likhne ke liye beth gaya, or raat mein sote waqt apni madam se milne ke liye date fix kar raha tha, lekin humara time match hi nahi hua fir mujhe yaad ane lagi to mein byyy bolke so gaya, woh bhi fir so gai.
aaj subhe 6:30 pe utha mein late sone ke uthne ki koshish karta hu lekin ho hi nahi pata, kya karu tum sab niche comment mein suggest karna, mein aaj 10:00 baje court pohch gaya tha, lekin jab mein inderlok mein tha to amit sir ka call aya ki unka ek case hai 320 mien lekin woh waha ja nahi sakte kyuki woh high court gaye hue hai, dusre matter ke liye, to tum sambhal lena, woh 1000 dega 500 tum rakh lena 500 mujhe bhej dena. bhaishab mein ye sunke khush ho gaya. or excited bhi kyu ki aaj mere ko jugde ke samne khada hoke akele matter dekhna tha.
court ane ke baad mujhe amit sir ne batya ki deepak sir palwal gaye hai case ki wajha se, to woh aaj nahi aye ge. meine jate hi 320 number room mein chala gaya, waha jake deepak kumar ka wait karne laga. unka item number 20 tha. or us time 4 chal raha tha.
jab tak item number 17 aya tab tak kanahiya kumar apne bhai ke sath a gaya tha, fir unke number ana pe mein unko ander leke gaya, jaha judge mam ne dono party se pucha aap kiski taraf se ho, to aashish ki taraf se unka vakeel tha, jinhone apna apne client ke sath apna naam likh wa diya, or jab mere se pucha to unhone pehle mere client ka naam galat liya, uaka naam kanahiya hai or bola kishan kumar jisko meine correct karte hue, batya ki kanahiya naam hai complainent, usko fir unhone thik kiya, fir mere se pucha ki aap kon ho inke council ya clerk. meine batya clerk.
fir uske baad judge mam ne mere client se pucha ki aapko case chalu rakhna hai ya, band karna hai jiske liye client ne mana kar diya kyu ki usko uska phone mil gaya, to case chalu rakhne ka koi faida nahi hai, fir kanahiya ka bayan hua fir suke signature hue to jane ko keh diya.
fir meine kanahiya se apni fees ka pucha usne bola amit bhai ne to kuch bhi nahi batya tha ki mein paise bhi leke ata, or paise bhi jayda nahi leke aya hu, meine bolaa aap unse hi baat kar lo warna woh mere ko bolege, to unhone sir se baat ki woh fir client ne 300 mujhe cash de diye or sir ne bola baki ke ye mujhe phone pe ya account mein transfer kar denge fir mein tumhara baki ke 200 pay kar denge.
mein ok bolke apne 300 leke apne room ki taraf chala gya, fir mein waha beth ke new law books google se padhne laga, room mein mein boor hone lalga to mein 2nd floor pe chala gya jaha jake mein book pe focus karne laga, lekin fir mujhe nind ane lagi, or tab tak 1 bhi baj gaye the, matlab lunch time fir mein bhar jake chole kulche khaa kar aya or pani pike ghar ke liye nikal gaya, metro pe jate jate mein soch raha tha ki iskon temple jao lekin waha se woh 5km tha. lekin fir mera mood badal gaya socha family ke sath jao ga, akele akele maza nahi ayega.
mein jab metro ki taraf ja raha tha to nikita ka msg aya ki pdf compress kese karte hai meine usko link bhej diya lekin us se hua hi nahi to mujhe bolne lagi ki tu bhej, meine usko thora sunaya or fir bhej diya, mere ko bolti hai mein tere pichle jaanam ke bure karmo ka fal huu. ye sab karke fir mein reels dekhne laga or yahi karte karte mein ghar tak a gya ghar ake jese hi sone ki koshish ki utne mein manoj chacha ka call a gya ki mein a raha hu, fir unko ek plot dikhana tha.
unko plot dikhate dikhate 6 baj gaye, or fir mein barish mein nahane laga jismein 7 baj gaye, fir mein apne collage ke group chat mein active ho gaya, fir nikita oersonal msg karti hai ki result dekhiyo aya kya.meine check kiya a gaya tha sab se pehle meine apna dekha jis mein meine pehle se jayda progress kiya tha meri khushi ka thikana hi nahi tha. fir nikita ne to top hi kar liya is baar to, hum dono ne tabahi macha di, lekin group mein baki log khush nahi the, unko humare ye marks hazam nahi hue, to usko goli marke apne aap kaam mien lag gaye.
mein fir blog likhe ke liye a gaya, or aaj ke blog mein itna hi milte hai aapse next blog mein...
yaha tak padhne ke liye thank you...
No comments:
Post a Comment