INTERNSHIP #8

 DATE: 27.07.2024

Welcome guys!

aap sab ka sawagat hai aaj ke blog mein, kal blog likhne ke baad mujhe yaad ata hai ki kal to 4th saturday hai may be court ki chhuti ho, to mene sir ko msg kiya ki sir kya kal ki chhuti hai, jiska sir nr dekhne ke baad bhi reply nahi diya, jis wajha se mujhe laga ki kal ki chhuti hogi. to mein subhe 7:30 baje so ke hi utha jiske baad uthte hi Aviator game ke bare mein sochne laga, or phone pe uske bare mein search karne laga, jiske baad mujhe game mil gai us mein minimun top up 300 ka tha, meine woh kar diya or laptop leke beth gaya betting ke liye, or 300 ka 500 bana diya lekin uske baad lalach jag gaya or mene sidha 200 ki betting kari jis mein mein har gaya, ese karte karte mere pass last mein 98 rupees bache. uske baad sir ka msg ata hai nahi hai chhuti ana hai, fir mein nahane ke liye chala gaya, to ghar se 9:30 baje nikal gaya or court 11:00 baje tak pohch gaya, jaha jake sir ko mene call kiya sir us time 212 mein the sir ne bola wait karo mein a raha hu thori der mein, adha ghanta wait karne ke baad sir a gaye or sir ne ane ke baad 2 kaam batye, jis mein se ek NBW tha ravdass ka or ek PF tha or dono mein se ek bhi kaam nahi hua, due to reason NBW ke liye judege sahab nahi aye the or PF ke liye naam ne bola ki 8 august ki sari date full ho gai nahi ho paye ga.

jsike baad meine sir ko call karke bata diya ki esi esi baat hai sir ne mujhe wapas bula liya or kaha ki ek page nikalo sir ko mene apni copy di jis mein sir ne ek client ka rough letter likha,  or mujhe de diya or bola ki ghar se acche se apni taraf se modify karke lana, or ye bolke sir aaj 12:00 baje waha se chale gaye or mujhe bola ki mein jaldi a jao ga, uske baad mene us letter ko waha likhna suru kar diya jiske baad jisko mene tod madod ke bana diya, lekin woh to type karna tha woh kaam ghar pe hi ho payega, or aaj chhuti ka sochne ke karan phone bhi charge bhi nahi tha, jiske liye mein apna charger leke 2nd floor pe chala gaya waha jayda log nahi ate aram se phone charge mein laga ke GTA khel raha tha, uske baad jab phone 70 ko karib charge ho gaya to charge se nikal ke khel raha tha, fir ek dooste se baat ki thora hasi mazak kiya, or fir mene sir ko call kiya aap kab tak ao ge kyu ki tab tak 4 baj gaye the sir ne bola amit sir se mil lo uske baad wese bhi thori der mein time bhi ho hi jaye ga, nikal jana fir, lekin mein 4:30 pe hi waha se nikal gaya, or 5:30 tak apne ghar ke pass wale bus stand pe a gaya jaha ane ke baad mene krishna fast food se momos or chap khaye, or ghar a gaya.

aaj ghar ane ke baad mene apna laptop nikala or hindi ka keyboard download karne laga lekin woh mere phone ke hotspot se nahi ho raha tha, or thori der baad mere school ke dooste a gaye jinke pass 5g phone hai to mene unke phone se hotspot liya us se 30 persent download ho gaya tha lekin unko jaldi thi to woh chale gaye, jiske baad mein kapil bhaiye ke pass chala gaya or unke ghar pe laptop update mein laga ke a gaya, waha usko karib karib 1 ghanta laga kyu ki keyboard ke 3 file the, woh hone ke baad mene woh keyboard ko try ki jo ki ab kaam kar raha tha us keyboard se ek faida hai mein english or hinglish mein type karu ga lekin word hindi ke bane ge, isi ki mujhe jarurat thi, jo ki ho gaya.

ab us keyboard ki help se woh complaint letter type karu ga.

or aaj court mein ek moye moye moment ho gaya, jo mene uppar nahi batya, jab mein phone charge se nikal ke game khel raha tha to game khelte khelte mein bor ho gaya tha, uske baad mein reels dekhne laga. us waqt mere pass ek ladki ai or mere se baat karne lagi fir mere se pucha ki insta use karte ho us time bhi reels hi chal rahe the mene usko bola sorry mein insta use nahi karta, bhaishab woh ok koi nahi bolke waha se chali gai, mere ko fir us pe hasi ane lagi, or us waqt mein apni friend se baat kar raha tha usko ye kahani batai mene, woh bhi bolne lagi bada kamina hai tu, uski jagha mein hoti to suna ke jati, naki ok koi nahi bolke nikal jati.

sach mein mere ko bhi us time badi hasi a rahi thi, lekin kya kare apun loyal hai apni madam ke liye, lekin woh mere se aaj kal naraj chal rahi hai...

aaj ke liye itna milte hai aap se kal ke blog mein tab tak ke liye byy byy...

yaha tak padhne ke liye thank you...