INTERNSHIP #9

DATE:29.07.2024

Welcome guys!

Aaj ke blog mein aapka swagat hai, aaj mein jaldi jake bhi late ho gaya, kyu ki 9:50 pe hi sir ne msg kar diya ki court room 112 mein a jana, mein 5 min bolke or apna bag apne rrom mein rakh ke sir ke pass pohch gaya, aaj vikramjeet singh@vikcy ki aaj date thi jiske liye ghar se sab prepare karke aye the, jis karna mere se bhi jaldi a gaye the, waha jake judge madam se apne item number ki time confirm ki or fir niche jake wait kiya.

11 baje vikramjeet ke parents a gaye, fir sir or mein waha pohch gaye, aaj bail bond dena tha jiske liye uske jija ji aye hue the apni car ki rc leke car ki value 4,50,000 thi or judge madam ne bail bond ka amount 20,000 bola, to fir paper work karke unki rc court mein submit ki or unko bhej diya, lekin vikramjeet ke uppar 2 case the pehle case mein 308 ipc lagi thi jsike liye bail bond bhara tha, or dusre ki date 5 august di hai.

Unka kaam karne ke baad ek uncle aye hue the unki bhi aaj date thi, unka matter to 420 ka tha, kisi adami ne unke documents to attach karke unke apna surity bana rakha tha, or uncle ko iski koi bhanak bhi nahi thi, or jab us adami ne jab woh kaam nahi kiya jiske liye unke paper as security di thi to woh log uncle ke ghar pe ane lage. Uncle ne court case kar diya or bus usi ke chakker laga rahe hai. Uncle ka item number 5 tha jo ki tab tak nikal chuka tha to aaj unka kuch nahi ho sakta tha to unko fir ghar bhej diya.

Jab hum room number 16 mein aye to waha ane ke baad meine apna laptop nikala or letter type karne laga woh bhi hindi mein, pure room ka attraction point mein tha, kyu ki ek week hi hue hai mujhe or ek hi week mein laptop leke beth gaya uppar se typing kar raha hu woh bhi hindi mein. Thori der baad mere bagal mein ek ladki ayi uska bag mere wale table pe rakha tha us mein se woh kuch nikal rahi thi fir woh laptop ki taraf dekhne lag gai ki mein kar kya raha hu mere ko to maza a raha tha.

Thori der baad sir ka bhi ek client aya us waqt amit sir or mein dono wahi the, amit sir apna paper work mein lage the or mein typing mein fir sir ne bhi flex marna start kar diya, aram se mast hoke bethe hue hai or client se bol rahe hai humare pass kaam bohot hai, tabhi 2 ladke laga rakhe hai ek paper work mein expert ek computer work mein expert. Tab to bhai mein alag level pe khushi se jhum raha tha.

Fir thoei der baad sir ne bola, chalo ek kaam karo isko save kar lo or amit ke sath jake khana kha lo, woh abhi abhi gaya mein fir laptop pack karke nikal gaya mujhe sir dikhe nahi to meine sir ko call kar liya, sir ne bola 2nd floor pe a jao canteen mein wahi hu mein fir ghumte firte ja raha tha sir mujhe 1st floor pe mil agye unke sath fir mein gaya, lekin canteen puri bhari hui thi, sir ne bola chalo bhar kha ke ate hai, fir mein or sir bhar gaye, or kha ke wapas a gaye.

Ane ke baad hum court number 308 mein gaye waha ek or matter tha. Waha jeke hum thori der bethe or fir judge sir ne bola aap 4 baje ana. Hum ok bolke library mein jake beth gaye mast ac mein. 4 baje tak wahi bethe or 4 baje chale gaye or matter ko solve karke. Apne room mein a gaye, waha ane ke baad sir ne mujhe bola kiraya hai, meine bola haa, sir ne bola kabhi to bola kar nahi hai, fir pocket se 200-rupee nikale or mere ko dete hue bola jab mein nashe mein rahu to bolna or dunga.

Aaj mein kafi khush ho gaya kyu ki is se pehle bhi paise mile hai lekin cash nahi mila, mene ghar pe call karke bola mithai leke ao kya unhone bola le a, to mundka ane ke baad mein mithai ki dukaan mein gaya jaha mere buget se sab bhar tha, ghevar ka rate 560, burfi pucho 480 or mereko mile to bus 200 hi the, tabhi meri nazar dhokale pe gai, woh 200 rupee kilo tha woh meine adha kilo le liye, or ghar ke nikal gay, ghar ake jab mummy ko batya ki mithai ki jagha dhokla laya hu to woh gussa hone lagi ki mithai bolke ke ye le aya fir meine market jake besan ke ladoo liye or ghar aya or bola bat do jisko batna hai, fir mummy ne mithai bhagwan ko chadahe, or fir meine dhokale kahye, dhokale mast the muh mein jate hi melt ho gai, mujhe to achha laga, fir yaad aya ki mein cooler ki moter shop pe deke aya tha service ke liye unki shop pe gaya jaha pata chalta hai ki moter to fuk gai fir mere ghar pe bhi ek moter rakhi thi mein usko leke aya or woh bhaiya ko di , or bola isko thik kar do.

Bhaiya ne bola bhai kar to du lekin time lagega, kal le jana 11 baje unko meine batya ghar pe thori rehta hu din bhar. Sham ko ata hu, to bhaiya ne bola fir mein dekhta hu agar aaj ho gai to kar dunga. Mein ok bolke ghar a gaya, or ghar ake blog likhne laga...

To aaj ke blog mein itna hi milte hai aap se next blog mein tab tak ke liye good byy...

Yaha tak padhne ke liye thank you...